ਡਾ ਗੁਰਪ੍ਰੀਤ ਕੌਰ ਵੱਲੋਂ ਗੰਭੀਰਤਾ ਨਾਲ ਹੱਲ ਦਾ ਦਿੱਤਾ ਭਰੋਸਾ, ਜਗਰਾਉਂ ਦੇ ਸਫਾਈ ਕਰਮਚਾਰੀਆਂ ਦੀਆਂ ਮੰਗਾਂ ਦਾ ਮਾਮਲਾ

ਜਗਰਾਉਂ : ਬੀਤੇ ਕੱਲ੍ਹ ਭਗਵੰਤ ਸਿੰਘ ਮਾਨ ਮੁੱਖ ਮੰਤਰੀ ਪੰਜਾਬ ਦੇ ਧਰਮ ਪਤਨੀ ਡਾਕਟਰ ਗੁਰਪ੍ਰੀਤ ਕੌਰ ਨਾਲ ਸਫਾਈ ਸੇਵਕ ਯੂਨੀਅਨ ਪੰਜਾਬ ਦੇ ਜਿਲਾ ਪ੍ਰਧਾਨ ਅਰੁਣ ਗਿੱਲ ਵੱਲੋਂ ਲੁਧਿਆਣਾ ਵਿਖੇ ਜ਼ਿਮਨੀ ਚੋਣਾਂ ਦੇ ਪ੍ਰਚਾਰ ਲਈ ਪੁੱਜਣ ਸਮੇਂ ਮੁਲਾਕਾਤ ਕੀਤੀ ਗਈ। ਮੁਲਾਕਾਤ ਦੌਰਾਨ ਪ੍ਰਧਾਨ ਅਰੁਣ ਗਿੱਲ ਵੱਲੋਂ ਨਗਰ ਕੌਂਸਲ ਜਗਰਾਉਂ ਦੇ ਸਫਾਈ ਸੇਵਕਾਂ ਦੀਆਂ ਜਾਇਜ਼ ਮੰਗਾਂ ਤੋਂ ਜਾਣੂ ਕਰਵਾਇਆ। ਜਗਰਾਉਂ ਅੰਦਰ ਕੂੜਾ ਸੁੱਟਣ ਲਈ ਸਫਾਈ ਸੇਵਕਾਂ ਨੂੰ ਆਉਦੀ ਵੱਡੀ ਸਮੱਸਿਆ ਅਤੇ ਵਾਰਡ ਵਾਇਜ਼ ਕੂੜਾ ਸੁੱਟਣ ਲਈ ਜਗਾਂ ਦੇ ਪ੍ਰਬੰਧ ਦੀ ਵੱਡੀ ਮੰਗ ਤੋਂ ਜਾਣੂ ਕਰਵਾਇਆ। ਪਿੱਛਲੇ ਡੇਢ ਸਾਲ ਤੋਂ ਰੈਕ-ਪਿੱਕਰਾ ਦੀ ਬਣਦੀ ਤਨਖਾਹ ਦੇਣ ਲਈ ਕਾਰਵਾਈ ਕਰਨਾ। 17 ਕਰਮਚਾਰੀਆਂ ਨੂੰ ਕੰਟਰੈਕਟਰ ਤੇ ਰੱਖਣ ਲਈ ਕਾਰਵਾਈ ਅਮਲ ਵਿੱਚ ਲੈ ਕੇ ਆਉਣਾ। 76 ਨਵੇਂ ਸਫਾਈ ਸੇਵਕਾਂ ਨੂੰ ਰੱਖਣ ਲਈ ਸਰਕਾਰ ਤੋਂ ਪ੍ਰਵਾਨਗੀ ਲੈਣਾ। ਵਾਟਰ ਸਪਲਾਈ ਤੇ ਸੀਵਰੇਜ  ਦੇ ਕਰਮਚਾਰੀਆਂ ਦੀਆਂ 4-9- 14 ਦੀਆਂ ਤਰੱਕੀਆਂ ਲਗਾਉਣਾ ਆਦਿ ਮੰਗਾਂ ਤੋਂ ਜਾਣੂ ਕਰਵਾਇਆ ਗਿਆ। ਜਿਸ ਤੇ ਗੰਭੀਰ ਹੁੰਦਿਆਂ ਡਾਕਟਰ ਗੁਰਪ੍ਰੀਤ ਕੌਰ ਵੱਲੋਂ ਲਿਖਤੀ ਮੰਗਾਂ ਅਨੁਸਾਰ ਜਲਦੀ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ। ਨਗਰ ਕੌਂਸਲ ਦੇ ਸਫਾਈ ਸੇਵਕਾਂ ਦੀਆਂ  ਮੰਗਾਂ ਸੀਐਮ ਦਰਬਾਰ ਪਹੁੰਚਣ ਤੇ ਜਲਦੀ ਹੱਲ ਹੋਣ ਲਈ ਡਾਕਟਰ ਗੁਰਪ੍ਰੀਤ ਵੱਲੋਂ ਦਿੱਤੇ ਭਰੋਸੇ ਤੇ ਪ੍ਰਧਾਨ ਵੱਲੋਂ ਉਹਨਾਂ ਦਾ ਧੰਨਵਾਦ ਕੀਤਾ ਗਿਆ।