ਜਗਰਾਉਂ ਪੁਲਿਸ ਵੱਲੋਂ ਕੀਤਾ ਗਿਆ ਨਸ਼ਾ ਤਸਕਰ ਦਾ ਐਨਕਾਊਂਟਰ , ਲੱਤ ਚ ਮਾਰੀ ਗੋਲੀ

ਜਗਰਾਉਂ 20 ਮਈ (ਇਸ਼ਕਰਨ ਜੋਤ ਸਿੰਘ) ਨਾਨਕਸਰ ਦੇ ਨੇੜੇ ਜਗਰਾਉਂ ਪੁਲਿਸ ਵੱਲੋਂ ਇੱਕ ਨਸ਼ਾ ਤਸਕਰ ਦਾ ਐਨਕਾਉਂਟਰ ਕੀਤਾ ਗਿਆ ਹੈ। ਇਸ ਐਨਕਾਉਂਟਰ ਦੌਰਾਨ ਨਸ਼ਾ ਤਸਕਰ ਦੇ ਲੱਤ ਵਿੱਚ ਗੋਲੀ ਵੱਜੀ ਹੈ । ਇਸ ਮੌਕੇ ਐਸਐਸਪੀ ਲੁਧਿਆਣਾ ਦਿਹਾਤੀ ਡਾ.ਅੰਕੁਰ ਗੁਪਤਾ ਆਈਪੀਐਸ ਤੇ ਡੀਐਸਪੀ ਡੀ ਇੰਦਰਜੀਤ ਸਿੰਘ ਬੋਪਾਰਾਏ ਵੀ ਮੌਜੂਦ ਸਨ। ਡਾਕਟਰ ਅੰਕੁਰ ਗੁਪਤਾ ਆਈਪੀਐਸ ਵੱਲੋਂ ਜਾਣਕਾਰੀ ਦਿੰਦੇ ਹੋਇਆ ਦੱਸਿਆ ਗਿਆ ਕਿ ਇਸ ਨਸ਼ਾ ਤਸਕਰ ਰੋਸ਼ਨ ਉੱਪਰ ਪਹਿਲਾਂ ਵੀ ਵੱਖ-ਵੱਖ ਜ਼ਿਲਿਆਂ ਵਿੱਚ ਵੱਖ-ਵੱਖ ਧਾਰਾਵਾਂ ਸਮੇਤ ਚੋਰੀ , ਡਕੈਤੀ ਤੇ ਹੋਰ ਕਰੀਬ 15 ਪਰਚੇ ਦਰਜ ਹਨ। ਉਹਨਾਂ ਵੱਲੋਂ ਇਹ ਵੀ ਦੱਸਿਆ ਗਿਆ ਕਿ ਜੋ ਨਸ਼ਾ ਕੱਲ ਪੁਲਿਸ ਵੱਲੋਂ ਰਿਕਵਰ ਕੀਤਾ ਗਿਆ ਹੈ ਉਹ ਨਸ਼ਾ ਵੀ ਇਸ ਨਸ਼ਾ ਤਸਕਰ ਨੇ ਹੀ ਸਪਲਾਈ ਕੀਤਾ ਸੀ। ਇਸ ਐਨਕਾਉਂਟਰ ਮੌਕੇ ਇਸ ਨਸ਼ਾ ਤਸਕਰ ਕੋਲੋਂ ਦੋ ਹਥਿਆਰ ਵੀ ਬਰਾਮਦ ਹੋਏ ਹਨ ਜਿਨ੍ਹਾਂ ਵਿੱਚੋਂ ਵਿੱਚੋਂ ਇੱਕ ਲਾਈਸਂਸੀ ਹੈ ਪਰ ਉਸ ਦਾ ਨੰਬਰ ਮਿਟਿਆ ਹੋਇਆ ਹੈ ਤੇ ਇੱਕ 315 ਬੋਰ ਦਾ ਕੱਟਾ ਤੇ ਇੱਕ ਬੀ ਐਮ ਡਬਲਯੂ ਬਾਈਕ ਬਰਾਮਦ ਹੋਈ ਹੈ। ਪੁਲਿਸ ਵੱਲੋਂ ਉਸ ਨਸ਼ਾ ਤਸਕਰ ਨੂੰ ਸਿਵਲ ਹਸਪਤਾਲ ਵਿਖੇ ਪਹੁੰਚਾਇਆ ਗਿਆ ਹੈ ਤੇ ਇਸ ਮਾਮਲੇ ਦੀ ਜਾਂਚ ਅੱਗੇ ਕੀਤੀ ਜਾ ਰਹੀ ਹੈ