ਗੋਨਿਆਣਾ, 08 ਅਪ੍ਰੈਲ, (ਗਗਨ ਬੱਤਰਾ),ਅੱਜ ਗੋਨਿਆਣਾ ਮੰਡੀ ਦੀ ਮਾਰਕਿਟ ਕਮੇਟੀ ਦੇ ਨਵ ਨਿਯੁਕਤ ਚੇਅਰਮੈਨ ਸਰਦਾਰ ਬਲਕਾਰ ਸਿੰਘ ਭੋਖੜਾ ਦੇ ਆਹੁਦਾ ਸੰਭਾਲ ਸਮਾਰੋਹ ਮੌਕੇ ਗੁਰਮੀਤ ਸਿੰਘ ਖੁੱਡੀਆਂ(ਕੈਬਿਨਟ ਮੰਤਰੀ), ਪ੍ਰੋਫੈਸਰ ਬਲਜਿੰਦਰ ਕੌਰ (ਚੀਫ ਵਿਪ ਪੰਜ਼ਾਬ ਸਰਕਾਰ), ਹਰਚੰਦ ਸਿੰਘ ਬਰਸਟ (ਚੇਅਰਮੈਨ ਮੰਡੀ ਬੋਰਡ ਪੰਜਾਬ ਸਰਕਾਰ), ਮਾਸਟਰ ਜਗਸੀਰ ਸਿੰਘ (ਹਲਕਾ ਵਿਧਾਇਕ ਭੁੱਚੋ), ਜਗਰੂਪ ਸਿੰਘ ਗਿੱਲ (ਵਿਧਾਇਕ ਬਠਿੰਡਾ ਸ਼ਹਿਰੀ), ਸੁਖਵੀਰ ਸਿੰਘ ਮਾਈਸਰਖਾਨਾ (ਵਿਧਾਇਕ ਮੌੜ), ਸ਼ਮਿੰਦਰ ਸਿੰਘ ਖਿੰਡਾ (ਚੇਅਰਮੈਂਨ ਪੰਜਾਬ ਐਗਰੋ ਇੰਡਸਟਰੀਜ਼), ਰਾਕੇਸ਼ ਪੂਰੀ (ਚੇਅਰਮੈਨ ਵਣ ਵਿਭਾਗ ਪੰਜਾਬ), ਨਵਦੀਪ ਸਿੰਘ ਜੀਦਾ (ਚੇਅਰਮੈਨ ਸ਼ੂਗਰਫੈੱਡ ਪੰਜਾਬ), ਗੁਰਜੰਟ ਸਿੰਘ ਸਿਵੀਆਂ (ਵਾਈਸ ਚੇਅਰਮੈਨ ਐਸੀ ਕਾਰਪੋਰੇਸ਼ਨ ਪੰਜਾਬ ਸਰਕਾਰ), ਜਤਿੰਦਰ ਭੱਲਾ (ਚੇਅਰਮੈਂਨ ਇੰਪਰੋਵਮੇਂਟ ਟਰੱਸਟ ਬਠਿੰਡਾ), ਅੰਮ੍ਰਿਤ ਅਗਰਵਾਲ (ਚੇਅਰਮੈਨ ਜ਼ਿਲ੍ਹਾ ਯੋਜਨਾ ਬੋਰਡ), ਅਮਰਦੀਪ ਰਾਜਨ, ਰਜਨੀਸ਼ ਰਾਜੂ (ਬਲਾਕ ਪ੍ਰਧਾਨ), ਕਸ਼ਮੀਰੀ ਲਾਲ ਗਰਗ (ਪ੍ਰਧਾਨ ਨਗਰ ਕੌਂਸਲ ਗੋਨਿਆਣਾ ) , ਹਰਪ੍ਰੀਤ ਸਿੰਘ (ਪ੍ਰਧਾਨ ਟਰੱਕ ਯੂਨੀਅਨ ਗੋਨਿਆਣਾ), ਸਮੇਤ ਵੱਡੀ ਗਿਣਤੀ ਵਿੱਚ ਪਿੰਡਾ ਦੇ ਸਰਪੰਚ, ਪੰਚ ਅਤੇ ਮੈਂਬਰ ਸਹਿਬਾਨ ਹਾਜ਼ਿਰ ਸਨ। ਅੱਜ ਬਲਕਾਰ ਸਿੰਘ ਭੋਖੜਾ ਨੇ ਗੁਰੂ ਸਾਹਿਬ ਦਾ ਅਸ਼ੀਰਵਾਦ ਲੈਕੇ ਆਪਣਾ ਅਹੁਦਾ ਸੰਭਾਲਿਆ। ਇਸ ਮੌਕੇ ਬਹੁਤ ਵੱਡੀ ਗਿਣਤੀ ਵਿੱਚ ਓਹਨਾਂ ਦੇ ਚਾਹੁਣ ਵਾਲੇ ਓਹਨਾਂ ਨੂੰ ਮੁਬਾਰਕਬਾਦ ਦੇਣ ਲਈ ਪਹੁੰਚੇ ਹੋਏ ਸਨ। ਅੱਜ ਦੇ ਇਕੱਠ ਨੇ ਪਿਛਲੇ ਸਾਰੇ ਰਿਕਾਰਡ ਤੋੜ ਦਿੱਤੇ।
ਗੁਰਮੀਤ ਸਿੰਘ ਖੁੱਡੀਆਂ ਨੇ ਬਲਕਾਰ ਸਿੰਘ ਭੋਖੜਾ ਦੇ ਆਹੁਦਾ ਸੰਭਾਲ ਸਮਾਰੋਹ ਮੌਕੇ ਬੋਲਦਿਆਂ ਕਿਹਾ ਕਿ ਬਲਕਾਰ ਸਿੰਘ ਭੋਖੜਾ ਬਹੁਤ ਹੀ ਮਿਹਨਤੀ ਅਤੇ ਆਮ ਲੋਕਾਂ ਦੇ ਹਰ ਦੁੱਖ ਸੁੱਖ ਵਿਚ ਸ਼ਾਮਿਲ ਹੋਣ ਵਾਲੇ ਇਨਸਾਨ ਹਨ, ਓਹਨਾਂ ਦੇ ਚੈਅਰਮੈਨ ਬਣਨ ਨਾਲ਼ ਮਾਰਕਿਟ ਕਮੇਟੀ ਦੇ ਕੰਮਕਾਜ਼ ਵਿੱਚ ਬਹੁਤ ਸੁਧਾਰ ਵੇਖਣ ਨੂੰ ਮਿਲੇਗਾ। ਇਸ ਮੌਕੇ ਬਲਕਾਰ ਸਿੰਘ ਭੋਖੜਾ ਨੇ ਓਹਨਾਂ ਦੇ ਅਹੁਦਾ ਸੰਭਾਲ ਸਮਾਰੋਹ ਮੌਕੇ ਪਹੁੰਚੇ ਸਾਰੇ ਹੀ ਸੱਜਣਾ ਮਿੱਤਰਾਂ ਸਮੇਤ ਕੈਬਿਨਟ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ, ਪ੍ਰੋਫੈਸਰ ਬਲਜਿੰਦਰ ਕੌਰ, ਅਤੇ ਸਾਰੇ ਹੀ ਚੇਅਰਮੈਂਨ ਸਾਹਿਬਾਨ ਦਾ ਬਹੁਤ ਬਹੂਤ ਧੰਨਵਾਦ ਕੀਤਾ।
