ਲੁਧਿਆਣਾ, 11 ਨਵੰਬਰ – ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਢੋਲੇਵਾਲ ਮਿਲਟਰੀ ਕੰਪਲੈਕਸ ਦੇ ਫੌਜ ਅਧਿਕਾਰੀਆਂ ਨੇ ਲੁਧਿਆਣਾ ਵਿੱਚ 17 ਤੋਂ 30 ਨਵੰਬਰ ਤੱਕ ਹੋਣ ਵਾਲੀ ਖੇਤਰੀ ਫੌਜ ਭਰਤੀ ਰੈਲੀ ਦੀਆਂ ਤਿਆਰੀਆਂ ਨੂੰ ਅੰਤਿਮ ਰੂਪ ਦੇਣ ਲਈ ਇੱਕ ਤਾਲਮੇਲ ਮੀਟਿੰਗ ਕੀਤੀ।
ਸਹਿਜ ਅੰਤਰ-ਵਿਭਾਗੀ ਸਹਿਯੋਗ ‘ਤੇ ਜ਼ੋਰ ਦਿੰਦਿਆਂ, ਪ੍ਰਸ਼ਾਸਨ ਨੇ ਫੌਜ ਨਾਲ ਨੇੜਲੀ ਭਾਈਵਾਲੀ ਵਿੱਚ ਇਸ ਸਮਾਗਮ ਦੇ ਸੁਚਾਰੂ ਅਤੇ ਸਫਲ ਆਯੋਜਨ ਨੂੰ ਯਕੀਨੀ ਬਣਾਉਣ ਲਈ ਖਾਸ ਡਿਊਟੀਆਂ ਸੌਂਪੀਆਂ।
ਇਹ ਭਰਤੀ ਮੁਹਿੰਮ ਪੰਜਾਬ (ਪਠਾਨਕੋਟ ਅਤੇ ਐਸ ਏ ਐਸ ਨਗਰ ਨੂੰ ਛੱਡ ਕੇ), ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਕੇਂਦਰ ਸ਼ਾਸਤ ਪ੍ਰਦੇਸ ਜੰਮੂ ਅਤੇ ਕਸ਼ਮੀਰ, ਲੱਦਾਖ, ਚੰਡੀਗੜ੍ਹ ਅਤੇ ਦਿੱਲੀ ਦੇ ਐਨ.ਸੀ.ਟੀ. ਨਿਵਾਸੀਆਂ ਲਈ ਖੁੱਲ੍ਹੀ ਹੈ। ਭਰਤੀ ਪ੍ਰਕਿਰਿਆ ਯੋਗਤਾ ਦੇ ਅਧਾਰ ‘ਤੇ ਨਿਰਪੱਖ ਅਤੇ ਪਾਰਦਰਸ਼ੀ ਢੰਗ ਨਾਲ ਕੀਤੀ ਜਾਵੇਗੀ। ਇਸ ਰੈਲੀ ਵਿੱਚ ਸੋਲਜਰ (ਜਨਰਲ ਡਿਊਟੀ)-716, ਕਲਰਕ-02, ਸ਼ੈੱਫ ਕਮਿਊਨਿਟੀ-06, ਈਆਰ-02, ਆਰਟੀਸਨ ਮੈਟਲਰਜੀ-01, ਹਾਊਸ ਕੀਪਰ-01, ਟੇਲਰ-02, ਅਤੇ ਮੈਸ ਕੀਪਰ-01 ਸ਼ਾਮਲ ਹਨ। ਭਰਤੀ ਦੀ ਮਿਤੀ ਤੱਕ ਉਮੀਦਵਾਰਾਂ ਦੀ ਉਮਰ 18 ਤੋਂ 42 ਸਾਲ ਹੋਣੀ ਚਾਹੀਦੀ ਹੈ।
ਇਹ ਸ਼ਡਿਊਲ 17 ਨਵੰਬਰ, 2025 ਨੂੰ ਸ਼ੁਰੂ ਹੋਵੇਗਾ, ਜਿਸ ਵਿੱਚ ਪੰਜਾਬ, ਹਰਿਆਣਾ ਅਤੇ ਲੱਦਾਖ ਯੂ.ਟੀ. ਦੇ ਕਲਰਕ ਅਤੇ ਆਲ ਇਨਫੈਂਟਰੀ ਬਟਾਲੀਅਨਜ਼ ਜ਼ੋਨ-1 ਦੇ ਟਰੇਡਸਮੈਨ ਸ਼ਾਮਲ ਹੋਣਗੇ ਜਿਨ੍ਹਾਂ ਵਿੱਚ 103 ਇਨਫੈਂਟਰੀ ਬਟਾਲੀਅਨ (ਟੀ ਏ) ਸਿੱਖ ਐਲ ਆਈ ਲੁਧਿਆਣਾ ਵਿੱਚ ਹੋਵੇਗਾ।
ਇਸ ਤੋਂ ਬਾਅਦ ਦੀਆਂ ਤਾਰੀਖਾਂ ਵਿੱਚ ਜੰਮੂ-ਕਸ਼ਮੀਰ ਦੇ ਯੂ.ਟੀ. ਅਤੇ ਦਿੱਲੀ ਦੇ ਐਨ.ਸੀ.ਟੀ. ਲਈ 18 ਨਵੰਬਰ, ਹਿਮਾਚਲ ਪ੍ਰਦੇਸ਼ ਅਤੇ ਚੰਡੀਗੜ੍ਹ ਲਈ 19 ਨਵੰਬਰ, ਅੰਮ੍ਰਿਤਸਰ, ਫਤਿਹਗੜ੍ਹ ਸਾਹਿਬ ਅਤੇ ਬਰਨਾਲਾ ਲਈ 21 ਨਵੰਬਰ, ਗੁਰਦਾਸਪੁਰ, ਰੋਪੜ ਅਤੇ ਕਪੂਰਥਲਾ ਲਈ 22 ਨਵੰਬਰ, ਮਾਨਸਾ, ਫਿਰੋਜ਼ਪੁਰ ਅਤੇ ਮਲੇਰਕੋਟਲਾ ਲਈ 23 ਨਵੰਬਰ, ਬਠਿੰਡਾ, ਹੁਸ਼ਿਆਰਪੁਰ ਅਤੇ ਐਸ.ਬੀ.ਐਸ. ਨਗਰ ਲਈ 25 ਨਵੰਬਰ, ਸੰਗਰੂਰ, ਮੋਗਾ ਅਤੇ ਫਰੀਦਕੋਟ ਲਈ 26 ਨਵੰਬਰ, ਤਰਨ ਤਾਰਨ, ਪਟਿਆਲਾ ਅਤੇ ਜਲੰਧਰ ਲਈ 28 ਨਵੰਬਰ, ਫਾਜ਼ਿਲਕਾ ਅਤੇ ਲੁਧਿਆਣਾ ਲਈ 29 ਨਵੰਬਰ ਅਤੇ ਮੁਕਤਸਰ ਲਈ 30 ਨਵੰਬਰ ਸ਼ਾਮਲ ਹਨ। ਉਮੀਦਵਾਰਾਂ ਨੂੰ ਸਵੇਰੇ 02 ਵਜੇ ਰਿਪੋਰਟ ਕਰਨੀ ਪਵੇਗੀ, ਸਵੇਰੇ 05 ਵਜੇ ਤੋਂ ਬਾਅਦ ਕੋਈ ਪ੍ਰਵੇਸ਼ ਨਹੀਂ ਹੋਵੇਗਾ।
ਯੋਗਤਾ ਮਾਪਦੰਡਾਂ ਵਿੱਚ ਵਿੱਚ ਘੱਟੋ-ਘੱਟ ਉਚਾਈ 160 ਸੈਂਟੀਮੀਟਰ, ਭਾਰ 50 ਕਿਲੋਗ੍ਰਾਮ ਅਤੇ ਛਾਤੀ ਦਾ ਮਾਪ 77 ਸੈਂਟੀਮੀਟਰ ਅਤੇ 5 ਸੈਂਟੀਮੀਟਰ ਫੈਲਾਅ ਹੋਣਾ ਚਾਹੀਦਾ ਹੈ।
ਵਿਦਿਅਕ ਯੋਗਤਾਵਾਂ ਵਿੱਚ ਸੋਲਜਰ (ਜਨਰਲ ਡਿਊਟੀ) ਲਈ ਹਰੇਕ ਵਿਸ਼ੇ ਵਿੱਚ 45% ਕੁੱਲ ਅਤੇ 33% ਅੰਕਾਂ ਨਾਲ 10ਵੀਂ ਪਾਸ, ਸੋਲਜਰ (ਕਲਰਕ) ਲਈ ਹਰੇਕ ਵਿਸ਼ੇ ਵਿੱਚ 50% ਅੰਕਾਂ ਨਾਲ 12ਵੀਂ ਪਾਸ ਅਤੇ ਅੰਗਰੇਜ਼ੀ ਅਤੇ ਗਣਿਤੇਅਕਾਊਂਟਸੇਬੁੱਕ ਕੀਪਿੰਗ ਵਿੱਚ 50% ਅੰਕ, ਅਤੇ ਸੋਲਜਰ (ਟ੍ਰੇਡਸਮੈਨ) ਲਈ 10ਵੀਂ ਪਾਸ (ਹਾਊਸ ਕੀਪਰ ਅਤੇ ਮੈਸ ਕੀਪਰ ਲਈ 8ਵੀਂ ਪਾਸ) ਸ਼ਾਮਲ ਹਨ। ਲੋੜੀਂਦੇ ਦਸਤਾਵੇਜ਼ਾਂ ਵਿੱਚ ਇੱਕ ਡੋਮੀਸਾਈਲ ਸਰਟੀਫਿਕੇਟ, ਚਰਿੱਤਰ ਸਰਟੀਫਿਕੇਟ, ਜਾਤੀ ਸਰਟੀਫਿਕੇਟ, 20 ਰੰਗੀਨ ਪਾਸਪੋਰਟ-ਆਕਾਰ ਦੀਆਂ ਫੋਟੋਆਂ, ਅਸਲ ਮਾਰਕਸ ਸ਼ੀਟਾਂ, ਪੈਨ ਅਤੇ ਆਧਾਰ ਕਾਰਡ ਦੀਆਂ ਕਾਪੀਆਂ ਅਤੇ ਜਿਵੇਂ ਵੀ ਲਾਗੂ ਹੋਵੇ ਅਣਵਿਆਹੇ ਜਾਂ ਵਿਆਹੇ ਹੋਏ ਸਰਟੀਫਿਕੇਟ ਸ਼ਾਮਲ ਹਨ।
ਮੀਟਿੰਗ ਦੌਰਾਨ ਸੁਰੱਖਿਆ, ਟ੍ਰੈਫਿਕ ਅਤੇ ਜ਼ਰੂਰੀ ਸੇਵਾਵਾਂ ‘ਤੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ। ਪੁਲਿਸ ਵਿਭਾਗ ਘੇਰੇ ਦੀ ਸੁਰੱਖਿਆ, ਭੀੜ ਪ੍ਰਬੰਧਨ, ਸਮਾਜ ਵਿਰੋਧੀ ਤੱਤਾਂ ਦੀ ਨਿਗਰਾਨੀ ਅਤੇ ਟ੍ਰੈਫਿਕ ਨਿਯੰਤਰਣ ਲਈ ਲੋੜੀਂਦੇ ਕਰਮਚਾਰੀ ਤਾਇਨਾਤ ਕਰੇਗਾ। ਸਿਹਤ ਵਿਭਾਗ ਡਾਕਟਰ, ਐਂਬੂਲੈਂਸ, ਪੈਥੋਲੋਜੀ ਸਹਾਇਤਾ ਅਤੇ ਡਰੱਗ-ਟੈਸਟਿੰਗ ਸਹੂਲਤਾਂ ਪ੍ਰਦਾਨ ਕਰੇਗਾ। ਸੈਨੀਟੇਸ਼ਨ, ਪੀਣ ਵਾਲਾ ਪਾਣੀ ਅਤੇ ਬਿਜਲੀ ਸਪਲਾਈ ਨਿਰਵਿਘਨ ਰਹੇਗੀ, ਨਗਰ ਨਿਗਮ ਲੁਧਿਆਣਾ 24 ਘੰਟੇ ਸਫਾਈ, ਮੋਬਾਈਲ ਟਾਇਲਟ ਅਤੇ ਪਾਣੀ ਦੇ ਪੁਆਇੰਟ ਯਕੀਨੀ ਬਣਾਏਗਾ ਜਦਕਿ ਫਾਇਰ ਅਤੇ ਐਮਰਜੈਂਸੀ ਸੇਵਾਵਾਂ ਸੁਰੱਖਿਆ ਲਈ ਉਪਕਰਣ ਅਤੇ ਕਰਮਚਾਰੀ ਤਾਇਨਾਤ ਕਰਨਗੇ।
