ਲੁਧਿਆਣਾ ਵਿੱਚ ਜੀ.ਐਸ.ਟੀ ਵਿਭਾਗ ਵੱਲੋਂ ਓ.ਟੀ.ਐਸ ਸਕੀਮ ਬਾਰੇ ਟੈਕਸਦਾਤਾਵਾਂ ਨਾਲ ਕੀਤੀ ਗਈ ਮੀਟਿੰਗ

ਲੁਧਿਆਣਾ, 26 ਮਾਰਚ:ਜੀ.ਐਸ.ਟੀ ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ ਲੁਧਿਆਣਾ ਦੇ ਹੰਬੜਾਂ ਰੋਡ ਏਰੀਆ, ਪ੍ਰਤਾਪ ਸਿੰਘ ਵਾਲਾ, ਸਾਊਥ ਸਿਟੀ, ਮਲਕਪੁਰ ਅਤੇ ਇਯਾਲੀ ਖੁਰਦ ਦੇ ਟੈਕਸਦਾਤਾਵਾਂ ਨਾਲ ਬੁੱਧਵਾਰ ਨੂੰ ਦੇਰ ਤੱਕ ਪੰਜਾਬ ਦੇ ਪ੍ਰੀ-ਜੀ.ਐਸ.ਟੀ ਬਕਾਏ ਅਧੀਨ ਇੱਕ ਵਾਰ ਦੇ ਨਿਪਟਾਰੇ (ਓ.ਟੀ.ਐਸ) ਸਕੀਮ ਦੇ ਲਾਭਾਂ ਬਾਰੇ ਮੀਟਿੰਗ ਕਰਕੇ ਚਰਚਾ ਕੀਤੀ ਗਈ। ਇਸ ਸਕੀਮ ਦੀ ਆਖਰੀ ਮਿਤੀ 31 ਮਾਰਚ, 2026 ਹੈ।ਇਹ ਮੀਟਿੰਗ ਡਿਪਟੀ ਕਮਿਸ਼ਨਰ, ਰਾਜ ਜੀ.ਐਸ.ਟੀ ਵਿਭਾਗ ਸ਼੍ਰੀਮਤੀ ਰਣਧੀਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ‘ਤੇ ਅਤੇ ਸਹਾਇਕ ਕਮਿਸ਼ਨਰ, ਰਾਜ ਜੀ.ਐਸ.ਟੀ ਵਿਭਾਗ, ਲੁਧਿਆਣਾ-3 ਸ਼੍ਰੀਮਤੀ ਅਨੁਪ੍ਰੀਤ ਕੌਰ ਦੀ ਅਗਵਾਈ ਹੇਠ ਕਰਵਾਈ ਗਈ।ਰਾਜ ਜੀ.ਐਸ.ਟੀ ਵਿਭਾਗ ਦੇ ਰਾਜ ਟੈਕਸ ਅਧਿਕਾਰੀ-ਕਮ ਅਧਿਕਾਰ ਖੇਤਰ ਅਧਿਕਾਰੀ ਸ੍ਰੀ ਹਰਦੀਪ ਸਿੰਘ ਆਹੂਜਾ ਨੇ ਓ.ਟੀ.ਐਸ ਦੇ ਲਾਭਾਂ ਦਾ ਜਿਕਰ ਕਰਦਿਆਂ ਟੈਕਸਦਾਤਾਵਾਂ ਲਈ ਰਾਹਤ ਨਾਲ ਆਪਣੇ ਬਕਾਏ ਦਾ ਨਿਪਟਾਰਾ ਕਰਨ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਏ.ਐਸ.ਟੀ.ਓ ਸ਼੍ਰੀ ਅਮਾਨਤ ਸਿੰਘ ਅਤੇ ਸ਼੍ਰੀ ਰਾਜੇਸ਼ ਕੁਮਾਰ ਵੀ ਮੌਜੂਦ ਸਨ।ਪੰਜਾਬ ਵਪਾਰ ਕਮਿਸ਼ਨ ਦੇ ਮੈਂਬਰ ਨੇ ਸਥਾਨਕ ਕਾਰੋਬਾਰੀਆਂ ਦੇ ਨਾਲ ਹਾਜ਼ਰੀਨ ਦੇ ਸਵਾਲਾਂ ਦਾ ਮੌਕੇ ‘ਤੇ ਹੀ ਜਵਾਬ ਦਿੱਤਾ ਗਿਆ।ਓ.ਟੀ.ਐਸ ਸਕੀਮ ਜੁਰਮਾਨੇ ਅਤੇ ਵਿਆਜ ‘ਤੇ 100 ਪ੍ਰਤੀਸ਼ਤ ਛੋਟ ਅਤੇ ਬਕਾਇਆ ਟੈਕਸ ‘ਤੇ 50 ਪ੍ਰਤੀਸ਼ਤ ਛੋਟ ਦੀ ਪੇਸ਼ਕਸ਼ ਕਰਦੀ ਹੈ, ਜਿਸ ਨਾਲ ਟੈਕਸਦਾਤਾਵਾਂ ਨੂੰ ਜੀ.ਐਸ.ਟੀ ਤੋਂ ਪਹਿਲਾਂ ਦੇ ਬਕਾਏ ਰਾਹਤ ਨਾਲ ਨਿਪਟਾਉਣ ਦੀ ਆਗਿਆ ਮਿਲਦੀ ਹੈ। ਇਹ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਯੋਗ ਅਗਵਾਈ ਵਾਲੀ ਪੰਜਾਬ ਸਰਕਾਰ ਦੀ ਇੱਕ ਸੁਨਹਿਰੀ ਯੋਜਨਾ ਹੈ।ਮੀਟਿੰਗ ਭਾਗੀਦਾਰਾਂ, ਹਾਜ਼ਰੀਨ, ਕਾਰੋਬਾਰੀਆਂ ਅਤੇ ਵਪਾਰੀਆਂ ਦੇ ਧੰਨਵਾਦ ਦੇ ਨਾਲ ਸਮਾਪਤ ਹੋਈ।