ਐਸ.ਡੀ.ਐਮ ਸਵਾਤੀ ਟਿਵਾਣਾ ਨੇ ਪੰਜਾਬ ਸਖੀ ਸ਼ਕਤੀ ਮੇਲੇ ਦੀਆਂ ਗਠਿਤ ਕਮੇਟੀਆਂ ਨਾਲ ਕੀਤੀ ਰੀਵਿਊ ਮੀਟਿੰਗ

ਖੰਨਾ, ਲੁਧਿਆਣਾ, 17 ਫਰਵਰੀ:ਮੁੱਖ ਮੰਤਰੀ ਸ੍ਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਅਤੇ ਪੰਜਾਬ ਦੇ ਕੈਬਨਿਟ ਮੰਤਰੀ ਸ੍ਰੀ ਤਰੁਨਪ੍ਰੀਤ ਸਿੰਘ ਸੌਂਦ ਦੇ ਯਤਨਾ ਸਦਕਾ 21 ਫਰਵਰੀ ਤੋਂ 2 ਮਾਰਚ ਤੱਕ ਪੰਜਾਬ ਸਰਕਾਰ ਦੀ ਪਹਿਲਕਦਮੀ ਤਹਿਤ ਜ਼ਿਲ੍ਹਾ ਪ੍ਰਸ਼ਾਸ਼ਨ ਲੁਧਿਆਣਾ ਦੁਆਰਾ ਉਦਯੋਗ ਅਤੇ ਵਣਜ ਵਿਭਾਗ ਦੇ ਸਹਿਯੋਗ ਨਾਲ ਰੈਂਪ ਸਕੀਮ ਅਤੇ ਪੰਜਾਬ ਰਾਜ ਪੇਂਡੂ ਆਜੀਵਿਕਾ ਮਿਸ਼ਨ ਦੇ ਤਹਿਤ ਕਰਵਾਏ ਜਾ ਰਹੇ ਪੰਜਾਬ ਸਖੀਂ ਸਕਤੀ ਮੇਲਾ-2026 ਦੀ ਦੁਸਿਹਰਾ ਗਰਾਊਡ ਖੰਨਾ ਵਿੱਚ ਮੰਗਲਵਾਰ ਨੂੰ ਉਪ ਮੰਡਲ ਮੈਜਿਸਟਰੇਟ ਖੰਨਾ ਸਵਾਤੀ ਟਿਵਾਣਾ ਵੱਲੋਂ ਪੰਜਾਬ ਸਖੀ ਸ਼ਕਤੀ ਮੇਲਾ ਸਬੰਧੀ ਬਣਾਈਆਂ ਗਈਆਂ ਸਮੂਹ ਕਮੇਟੀਆਂ ਨਾਲ ਰੀਵਿਊ ਮੀਟਿੰਗ ਕਰਕੇ ਕੀਤੇ ਜਾਣ ਵਾਲੇ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ। ਇਸ ਮੀਟਿੰਗ ਵਿੱਚ ਉਪ ਮੰਡਲ ਮੈਜਿਸਟਰੇਟ ਪਾਇਲ ਪ੍ਰਦੀਪ ਬੈਂਸ ਅਤੇ ਗਠਿਤ ਕੀਤੀਆਂ ਕਮੇਟੀਆਂ ਦੇ ਨੋਡਲ ਅਫ਼ਸਰਾਂ ਅਤੇ ਵੱਖ ਵੱਖ ਵਿਭਾਗਾ ਦੇ ਨੁਮਾਇੰਦਿਆਂ ਵੱਲੋਂ ਭਾਗ ਲਿਆ ਗਿਆ।ਉਪ ਮੰਡਲ ਮੈਜਿਸਟਰੇਟ ਖੰਨਾ ਨੇ ਮੇਲਾ ਗਰਾਊਂਂਡ ਕਮੇਟੀ ਨੂੰ ਕਿਹਾ ਕਿ ਉਹ ਮੇਲਾ ਗਰਾਊਡ ਵਿੱਚ ਟੈਂਟ, ਝੂਲੇ, ਸਟਾਲ (ਲੇਅ-ਆਊਟ ਅਨੁਸਾਰ), ਕੰਟਰੋਲ ਰੂਮ, ਟੁਆਇਲਟ ਬਲਾਕ, ਸਫਾਈ, ਫਾਇਰ, ਡੈਕੋਰੇਸਨ ਦਾ ਪ੍ਰਬੰਧ ਕਰਨਗੇ ਅਤੇ ਸਮੂਹ ਸਟਾਲਾਂ ਵਿੱਚ ਬਿਜਲੀ ਦਾ ਪ੍ਰਬੰਧ ਕਾਰਜਕਾਰੀ ਇੰਜੀਨੀਅਰ ਲੋਕ ਨਿਰਮਾਣ ਵਿਭਾਗ ਇਲੈਕਟੀਰੀਕਲ ਜਾ ਕੰਟਰੈਕਟਰ ਰਾਹੀ ਕਰਵਾਉਣ ਨੂੰ ਯਕੀਨੀ ਬਣਾਉਣਗੇ। ਉਨ੍ਹਾਂ ਕਿਹਾ ਕਿ ਨਗਰ ਕੌਂਸਲ ਖੰਨਾ ਦੇ ਕਾਰਜ ਸਾਧਕ ਅਫਸਰ ਮੇਲੇ ਦੌਰਾਨ ਗੰਦੇ ਪਾਣੀ ਦੀ ਨਿਕਾਸੀ ਅਤੇ ਖਾਸ ਕਰਕੇ ਖਾਣ-ਪੀਣ ਦੇ ਏਰੀਏ ਦੇ ਆਸ-ਪਾਸ ਗੰਦੇ ਪਾਣੀ, ਮੇਲੇ ਦੌਰਾਨ ਗਰਾਊਂਡ ਵਿੱਚ ਪਖਾਨੇ ਆਦਿ ਦਾ ਪ੍ਰਬੰਧ ਵੈਂਡਰ ਦੀ ਮੱਦਦ ਨਾਲ ਮੁਕੰਮਲ ਕਰਵਾਉਣਗੇ ਅਤੇ ਪਖਾਨਿਆ ਦੀ ਸਾਫ-ਸਫਾਈ ਦਾ ਧਿਆਨ ਉਚੇਚੇ ਤੌਰ ਤੇ ਯਕੀਨੀ ਬਣਾਇਆ ਜਾਵੇਗਾ।ਇਸ ਤੋਂ ਇਲਾਵਾ ਕਾਰਜ ਸਾਧਕ ਅਫਸਰ ਖੰਨਾ ਨੂੰ ਆਦੇਸ਼ ਦਿੱਤੇ ਗਏ ਕਿ ਉਨ੍ਹਾਂ ਵੱਲੋਂ ਪਾਣੀ ਦੇ ਕੁਨੈਕਸ਼ਨ ਅਤੇ ਬਿਜਲੀ ਦੇ ਕਨੈਕਸ਼ਨ ਜਲਦ ਤੋਂ ਜਲਦ ਸਬੰਧਤ ਵਿਭਾਗਾਂ ਨਾਲ ਤਾਲਮੇਲ ਕਰਕੇ ਮੁਕੰਮਲ ਕਰਵਾਏ ਜਾਣ। ਮੇਲਾ ਗਰਾਊਡ ਵਿੱਚ ਡਸਟਬਿਨ ਦਾ ਪ੍ਰਬੰਧ ਕਰਵਾਉਣਗੇ ਅਤੇ ਮੇਲੇ ਦੌਰਾਨ ਹਰ ਦੋ-ਦੋ ਘੰਟਿਆਂ ਬਾਅਦ ਮੇਲੇ ਦਾ ਸੁੱਕਾ ਅਤੇ ਗਿੱਲਾ ਕੂੜਾ ਚੁੱਕਣ ਦਾ ਪ੍ਰਬੰਧ ਵੀ ਕਰਨਗੇ। ਮੇਲੇ ਦੌਰਾਨ ਸਵੇਰੇ 6 ਵਜੇ ਤੋਂ ਰਾਤ 8 ਵਜੇ ਦੇ ਵਿੱਚ ਮੇਲਾ ਗਰਾਊਡ ਦੀ ਸਫਾਈ ਅਤੇ ਪਾਣੀ ਦਾ ਝਿੜਕਾਅ (ਸਵੇਰੇ-ਸਾਮ) ਕਰਨਾ ਯਕੀਨੀ ਬਣਾਇਆ ਜਾਵੇ।ਸਵਾਤੀ ਟਿਵਾਣਾ ਨੇ ਮੇਲੇ ਦੌਰਾਨ ਠਹਿਰਨ ਅਤੇ ਖਾਣ ਪੀਣ ਦਾ ਪ੍ਰਬੰਧ ਕਰਨ ਵਾਲੀ ਕਮੇਟੀ ਨੂੰ ਹਦਾਇਤ ਕੀਤੀ ਕਿ ਉਹ ਮੇਲੇ ਦੌਰਾਨ ਸੈਲਫ ਹੈਲਪ ਗਰੁੱਪਾਂ ਅਤੇ ਕਲਾਕਾਰਾਂ ਆਦਿ ਦੇ ਠਹਿਰਣ ਅਤੇ ਖਾਣ-ਪੀਣ ਦੇ ਪ੍ਰਬੰਧ ਜਲਦ ਮੁਕੰਮਲ ਕੀਤੇ ਜਾਣ। ਐਸ.ਡੀ.ਐਮ ਖੰਨਾ ਨੇ ਕਿਹਾ ਕਿ ਮੇਲੇ ਦੌਰਾਨ ਸੁਰੱਖਿਆ ਅਤੇ ਟ੍ਰੈਫਿਕ ਸਬੰਧੀ ਸਾਰਾ ਪ੍ਰਬੰਧ ਪੁਲਿਸ ਜ਼ਿਲ੍ਹਾ ਖੰਨਾ ਦੀ ਟੀਮ ਵੱਲੋਂ ਕੀਤਾ ਜਾਵੇਗਾ। ਉਨ੍ਹਾਂ ਵੱਲੋਂ ਸੁਰੱਖਿਆ ਅਤੇ ਟਰੈਫਿਕ ਕਮੇਟੀ ਨੂੰ ਨਿਰਦੇਸ਼ ਦਿੱਤੇ ਗਏ ਕਿ ਮੇਲੇ ਦੌਰਾਨ ਭਾਰੀ ਇੱਕਠ ਹੋਣ ਦੀ ਸੰਭਾਵਨਾ ਹੈ ਇਸ ਲਈ ਇਹ ਕਮੇਟੀ ਮੇਲੇ ਦੌਰਾਨ ਸਕਿਊਰਟੀ ਅਤੇ ਟ੍ਰੈਫਿਕ ਸਬੰਧੀ ਸਾਰਾ ਪ੍ਰਬੰਧ ਦੇਖਣਗੇ।ਸਵਾਤੀ ਟਿਵਾਣਾ ਨੇ ਵੀ.ਆਈ.ਪੀ ਅਤੇ ਸਟਾਰ ਨਾਇਟ ਕਮੇਟੀ ਨੂੰ ਮੇਲੇ ਦੌਰਾਨ ਆਉਣ ਵਾਲੇ ਮਹਿਮਾਨਾਂ ਦਾ ਸਵਾਗਤ ਕਰਨ ਅਤੇ ਮੇਲੇ ਵਾਲੀ ਥਾਂ ‘ਤੇ ਗਮਲੇ ਅਤੇ ਹੋਰ ਸਮਾਨ ਨਾਲ ਡੈਕੋਰੇਸ਼ਨ ਅਤੇ ਰਿਫਰੈਸਮੈਂਟ ਦਾ ਪ੍ਰਬੰਧ ਗਠਿਤ ਕਮੇਟੀ ਵੱਲੋਂ ਆਪਣੇ ਸਟਾਫ ਦੀ ਸਹਾਇਤਾ ਨਾਲ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸਟਾਰ ਨਾਈਟ ਦੇ ਲੋੜੀਦੇ ਪ੍ਰਬੰਧ ਦੇਖਣਗੇ।ਉਨ੍ਹਾਂ ਕਿਹਾ ਕਿ ਕਲਚਰ ਕਮੇਟੀ ਸਟੇਜ ਆਦਿ ਦੀ ਵਿਵਸਥਾ ਚੰਗੀ ਤਰਾਂ ਬਣਾਏ ਰੱਖਣ ਲਈ ਨੋਡਲ ਅਫਸਰ ਜਿੰਮੇਵਾਰ ਹੋਣਗੇ। ਹਰ ਰੋਜ ਸਕੂਲਾਂ ਅਤੇ ਕਾਲਜਾਂ ਦੇ ਬੱਚਿਆਂ ਤੋਂ ਕਲਚਰਲ ਪ੍ਰੋਗਰਾਮ ਕਰਵਾਉਣਗੇ। ਡਿਪਟੀ ਡਾਇਰੈਕਟਰ, ਯੂਥ ਸਰਵਸਿਜ਼, ਲੁਧਿਆਣਾ ਅਤੇ ਪਟਿਆਲਾ ਨਾਲ ਤਾਲਮੇਲ ਕਰਕੇ ਕਲਚਰਲ ਪ੍ਰੋਗਰਾਮ ਕਰਵਾਉਣਗੇ ਅਤੇ ਕਲਚਰਲ ਪ੍ਰੋਗਰਾਮ ਲਈ ਕਲਾਕਾਰਾਂ ਦੀ ਚੋਣ ਕਰਨਗੇ। ਇੱਕ ਦਿਨ ਇਸ਼ਮੀਤ ਅਕੈਡਮੀ ਦੇ ਬੱਚਿਆਂ ਦਾ ਪ੍ਰੋਗਰਾਮ ਵੀ ਕਰਵਾਉਣਗੇ। ਮੇਲੇ ਦੀ ਊਰਜਾ ਨੂੰ ਵਧਾਉਣ ਲਈ ਵੱਖ-ਵੱਖ ਤਰੀਕੇ ਦੀਆਂ ਖੇਡਾਂ ਕਰਵਾਈਆ ਜਾਣ। ਇਸ ਕੰਮ ਨੂੰ ਪੂਰਾ ਕਰਨ ਲਈ ਮੈਂਬਰ ਆਪਣੇ-ਆਪਣੇ ਵਿਭਾਗ ਦੇ ਕਰਮਚਾਰੀਆਂ ਦੀ ਡਿਊਟੀ ਆਪਣੇ ਨਾਲ ਲਗਾਉਣਗੇ। ਜਿਲ੍ਹਾ ਸਿੱਖਿਆ ਅਫਸਰ (ਸਕੈਡਰੀ) ਲੁਧਿਆਣਾ ਨੂੰ ਆਦੇਸ਼ ਦਿੱਤੇ ਕਿ ਮੇਲੇ ਵਿੱਚ ਪ੍ਰਦਰਸ਼ਨ ਕਰ ਰਹੇ ਸਕੂਲ ਦੇ ਵਿਦਿਆਰਥੀਆਂ ਲਈ ਰਿਫਰੈਸ਼ਮੈਂਟ ਦਾ ਪ੍ਰਬੰਧ ਕਰਵਾਉਣਗੇ। ਉਪ ਮੰਡਲ ਮੈਜਿਸਟਰੇਟ ਨੇ ਸਟਾਲਾਂ ਦੀ ਅਲਾਟਮੈਟ ਕਮੇਟੀ ਨੂੰ ਆਦੇਸ਼ ਦਿੱਤੇ ਕਿ ਸਟਾਲਾਂ ਦੀ ਅਲਾਟਮੈਟ ਰੂਲਾਂ ਅਨੁਸਾਰ ਸਵੈ-ਸਹਾਇਤਾ ਸਮੂਹ, ਕਾਰੀਗਰ, ਮਹਿਲਾ ਉੱਦਮੀਆਂ ਨੂੰ ਕਰਕੇ ਸਵੈ-ਸਹਾਇਤਾ ਸਮੂਹ, ਕਾਰੀਗਰ, ਮਹਿਲਾ ਉੱਦਮੀਆਂ ਨੂੰ ਸੱਦਾ ਦੇਣਗੇ ਅਤੇ ਸਟਾਲ ਨੰਬਰ ਅਲਾਟ ਕਰਨਗੇ। ਇਹ ਕਮੇਟੀ ਸਾਰੀਆਂ ਸ਼ਰਤਾਂ ਪੂਰੀਆਂ ਕਰਵਾ ਕੇ ਹੀ ਸਟਾਲ ਅਲਾਟ ਕਰੇਗੀ।ਉਨ੍ਹਾਂ ਮੇਲਾ ਕੰਟਰੋਲ ਰੂਮ, ਐਡਮੀਨ ਬਲਾਕ ਅਤੇ ਸ਼ਿਕਾਇਤ ਸੈਲ ਕਮੇਟੀ ਨੂੰ ਕਿਹਾ ਕਿ ਨੋਡਲ ਅਫਸਰ ਮੇਲੇ ਦੌਰਾਨ ਕੰਟਰੋਲ ਰੂਮ, ਐਡਮੀਨ ਬਲਾਕ, ਸ਼ਿਕਾਇਤ ਸੈਲ ਆਦਿ ਦਾ ਪ੍ਰਬੰਧ ਕਰਨਗੇ। ਇਸ ਕੰਮ ਨੂੰ ਮੁੰਕਮਲ ਕਰਨ ਲਈ ਹੋਰ ਲੋੜੀਂਦਾ ਸਟਾਫ ਆਪਣੇ ਵਿਭਾਗ ਤੋਂ ਲਗਵਾਉਣਗੇ। ਉਨ੍ਹਾਂ ਆਵਾਜਾਈ ਲਈ ਬੱਸਾਂ/ਵਹੀਕਲਜ਼ ਦਾ ਪ੍ਰਬੰਧ ਕਮੇਟੀ ਨੂੰ ਕਿਹਾ ਕਿ ਨੋਡਲ ਅਫਸਰ ਮੇਲੇ ਦੋਰਾਨ ਸੈਲਫ ਹੈਲਪ ਗਰੁੱਪਾਂ ਦੇ ਆਉਣ ਜਾਣ ਲਈ ਬੱਸਾਂ/ਵਹੀਕਲਜ਼ ਦਾ ਪ੍ਰਬੰਧ ਕਰਨਗੇ। ਮੇਲੇ ਦੌਰਾਨ ਸਵੈ ਸਹਾਇਤਾਂ ਸਮੂਹਾਂ/ਕਲਾਕਾਰਾਂ ਨੂੰ ਲੈ ਕੇ ਆਉਣ ਅਤੇ ਜਾਣ ਲਈ ਬੱਸਾਂ ਦਾ ਪੁਖਤਾ ਪ੍ਰਬੰਧ ਯਕੀਨੀ ਬਣਾਉਣਗੇ।ਸਵਾਤੀ ਟਿਵਾਣਾ ਨੇ ਫਸਟ ਏਡ ਪੋਸਟ/ਮੈਡੀਕਲ ਹੈਲਥ ਕਮੇਟੀ ਨੂੰ ਕਿਹਾ ਕਿ ਮੇਲੇ ਵਾਲੀ ਥਾਂ ਅਤੇ ਸੈਲਫ ਹੈਲਪ ਗਰੁੱਪਾਂ ਦੇ ਠਹਿਰਣ ਵਾਲੀ ਥਾਂ ਤੇ ਫਸਟ ਏਡ ਸਹਾਇਤਾ ਅਤੇ ਡਾਕਟਰੀ ਸਹਾਇਤਾ ਦਾ ਪੱਕੇ ਤੌਰ ‘ਤੇ ਪ੍ਰਬੰਧ ਕਰਨ ਲਈ ਕਾਰਵਾਈ ਸਿਵਲ ਸਰਜਨ ਲੁਧਿਆਣਾ ਵੱਲੋ ਕੀਤੀ ਜਾਵੇਗੀ ਅਤੇ ਮੇਲੇ ਵਾਲੀ ਥਾਂ ‘ਤੇ ਇਕ ਐਬੂਲੈਂਸ ਵੈਨ ਵੀ ਤਾਇਨਾਤ ਰੱਖੀ ਜਾਵੇਗੀ। ਇਸ ਕੰਮ ਵਿੱਚ ਜਿਲ੍ਹਾ ਪ੍ਰੀਸ਼ਦ ਦੇ ਡਾਕਟਰ ਵੀ ਸਹਿਯੋਗ ਦੇਣਗੇ। ਇਸ ਸਾਰੇ ਕੰਮ ਲਈ ਐਸ.ਐਮ.ਓ ਖੰਨਾ ਨੂੰ ਲੋੜੀਦੇ ਪ੍ਰਬੰਧ ਕਰਨ ਲਈ ਉਨ੍ਹਾਂ ਵਲੋਂ ਸਾਰੇ ਕੰਮ ਸਮੇ ਸਿਰ ਮੁੰਕਮਲ ਕਰਨ ਲਈ ਹਦਾਇਤ ਕੀਤੀ ਗਈ।ਉਨ੍ਹਾਂ ਆਰਜੀ ਬਿਜਲੀ ਦਾ ਪ੍ਰਬੰਧ ਕਰਨ ਲਈ ਕਮੇਟੀ ਨੂੰ ਮੇਲਾ ਗਰਾਊਂਡ ਵਿਚ ਆਰਜੀ ਬਿਜਲੀ ਦਾ ਲੋਡ ਅਨੁਸਾਰ ਕੁਨੈਕਸ਼ਨ ਅਪਲਾਈ ਕਰਨ ਲਈ ਨੋਡਲ ਅਫਸਰ ਜਿੰਮੇਵਾਰ ਹੋਣਗੇ। ਕਾਰਜਕਾਰੀ ਇੰਜੀਨੀਅਰ ਪੰਜਾਬ ਰਾਜ ਪਾਵਰ ਕਾਰਪੋਰਸੇਨ ਲਿਮਟਿਡ ਖੰਨਾ ਨਾਲ ਤਾਲਮੇਲ ਕਰਕੇ ਲੋੜੀਂਦੀ ਕਾਰਵਾਈ ਕਰਨਗੇ। ਬਿਜਲੀ ਦੀ ਸਪਲਾਈ ਨਿਰਵਿਘਨ ਚਾਲੂ ਰੱਖਣ ਅਤੇ ਕਿਸੇ ਕਿਸਮ ਦਾ ਨੁਕਸ ਪੈਣ ਤੇ ਤੁਰੰਤ ਦੂਰ ਕਰਵਾਉਗੇ। ਉਨ੍ਹਾਂ ਰੋਜਾਨਾ ਵਿਕਰੀ ਰਿਪੋਰਟ ਕਮੇਟੀ/ ਵੀਡੀਓਗ੍ਰਾਫੀ/ ਸਕਿਉਰਟੀ ਕੈਮਰਾ ਕਮੇਟੀ ਮੇਲੇ ਵਿੱਚ ਸਥਾਪਿਤ ਕੀਤੀਆਂ ਗਈਆਂ ਸਟਾਲਾਂ ਤੋਂ ਰੋਜਾਨਾ ਦੀ ਵਿਕਰੀ ਰਿਪੋਰਟ ਇਕੱਤਰ ਕਰਨ ਦੇ ਇੰਚਾਰਜ ਬੀ.ਡੀ.ਪੀ.ਓ ਖੰਨਾ ਹੋਣਗੇ ਅਤੇ ਬਾਕੀ ਮੈਬਰ ਸਹਿਯੋਗ ਦੇਣਗੇ। ਮੇਲਾ ਸ਼ੁਰੂ ਹੋਣ ਤੋਂ ਸਮਾਪਤੀ ਤੱਕ ਮੇਲਾ ਅਫਸਰ ਨਾਲ ਤਾਲਮੇਲ ਕਰਕੇ ਵੀਡੀਓਗ੍ਰਾਫੀ ਕਰਵਾਉਣਗੇ ਅਤੇ ਸਕਿਉਰਟੀ ਕੈਮਰਾ ਆਪਣੀ ਦੇਖ-ਰੇਖ ਦੇ ਵਿੱਚ ਲਗਵਾਉਣਗੇ।ਉਪ ਮੰਡਲ ਮੈਜਿਸਟਰੇਟ ਖੰਨਾ ਨੇ ਕਾਰਜਕਾਰੀ ਇੰਜੀਨਿਅਰ ਪਬਲਿਕ ਹੈਲਥ ਲੁਧਿਆਣਾ ਨੂੰ ਹਦਾਇਤ ਕੀਤੀ ਕਿ ਮੇਲੇ ਦੋਰਾਨ ਵੀ.ਆਈ.ਪੀ ਪਖਾਨਿਆਂ ਅਤੇ ਆਮ ਪਬਲਿਕ ਲਈ ਪਖਾਨਿਆ ਦਾ ਇੰਤਜਾਮ ਕੰਟਰੈਕਟਰ ਨਾਲ ਤਾਲਮੇਲ ਕਰਕੇ ਕੀਤਾ ਜਾਵੇ ਅਤੇ ਰੋਜਾਨਾ ਹਰ ਦੋ ਘੰਟੇ ਬਾਅਦ ਸਾਫ-ਸਫਾਈ ਕਰਵਾਉਣ ਲਈ ਸਟਾਫ ਦੀ ਡਿਊਟੀ ਲਗਾਈ ਜਾਵੇ।ਉਨ੍ਹਾਂ ਕਿਹਾ ਕਿ ਕਾਰਜਕਾਰੀ ਇੰਜੀਨਿਅਰ ਪੰਚਾਇਤੀ ਰਾਜ ਲੁਧਿਆਣਾ, ਕਾਰਜਕਾਰੀ ਇੰਜੀਨਿਅਰ ਲੋਕ ਨਿਰਮਾਣ ਵਿਭਾਗ (ਬੀ ਐਂਡ ਆਰ ਡਵੀਜ਼ਨ ਨੰਬਰ 3) ਲੁਧਿਆਣਾ, ਜੀ.ਐੱਮ ਰੋਡਵੇਜ਼ ਅਤੇ ਜਿਲ੍ਹਾ ਫਾਇਰ ਸੇਫਟੀ ਅਫਸਰ ਗਠਿਤ ਸੁਰੱਖਿਆ ਕਮੇਟੀ ਝੂਲਿਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਮੇਲੇ ਦੌਰਾਨ ਝੂਲਿਆਂ ਦੀ ਸੁਰੱਖਿਆ ਸਰਟੀਫਿਕੇਟ ਦੇਵੇਗੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਹੋਰ ਵੀ ਗਠਿਤ ਕਮੇਟੀਆਂ ਨੂੰ ਕੰਮ ਸਮੇਂ ਸਿਰ ਨੇਪਰੇ ਚਾੜ੍ਹਨ ਦੀ ਹਦਾਇਤ ਕੀਤੀ।ਮੀਟਿੰਗ ਦੇ ਅੰਤ ਵਿੱਚ ਐਸ.ਡੀ.ਐਮ ਸਵਾਤੀ ਟਿਵਾਣਾ ਨੇ ਮੇਲੇ ਦੀਆਂ ਸਾਰੀਆਂ ਗਠਿਤ ਕਮੇਟੀਆਂ ਨੂੰ ਕਿਹਾ ਕਿ ਉਹ ਆਪਸੀ ਤਾਲਮੇਲ ਦੇ ਨਾਲ ਮੇਲੇ ਦੇ ਸੁਚਾਰੂ ਅਤੇ ਸੁਚੱਜੇ ਪ੍ਰਬੰਧ ਕਰਨ ਨੂੰ ਯਕੀਨੀ ਬਣਾਉਣਗੀਆਂ ਅਤੇ ਡਿਊਟੀ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਲਾਪ੍ਰਵਾਹੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ।