ਸ੍ਰੀ ਮੁਕਤਸਰ ਸਾਹਿਬ, 12 ਜਨਵਰੀ 2026 : ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਚਾਲੀ ਮੁਕਤਿਆਂ ਦੀ ਯਾਦ ਵਿਚ ਹਰ ਸਾਲ ਲੱਗਣ ਵਾਲੇ ਪਵਿੱਤਰ ਅਤੇ ਇਤਹਾਸਿਕ ਮੇਲਾ ਮਾਘੀ ਮੌਕੇ ਭਾਰੀ ਤਾਦਾਦ ਵਿੱਚ ਸ਼ਰਧਾਲੂ, ਸਿਆਸੀ ਹਸਤੀਆਂ, ਉੱਚ ਅਫਸਰ, ਨੌਜਵਾਨ ਅਤੇ ਸਮਾਜ ਦੇ ਹਰ ਵਰਗ ਦੇ ਲੋਕ ਆਪਣੀ ਹਾਜਰੀ ਲਵਾਉਣ ਲਈ ਇਸ ਮੇਲੇ ਦਾ ਹਿੱਸਾ ਬਣਦੇ ਹਨ। ਇਸ ਮੌਕੇ ਅਕਸਰ ਟਰੈਫਿਕ ਅਤੇ ਅਮਨ ਕਾਨੂੰਨ ਦੀ ਸਮੱਸਿਆਂ ਦਾ ਡਰ ਬਣਿਆ ਰਹਿੰਦਾ ਹੈ। ਇਸ ਮੇਲੇ ਦੀ ਮਹੱਤਤਾ ਨੂੰ ਦੇਖਦੇ ਹੋਏ ਟਰੈਫਿਕ ਸਮੱਸਿਆਂ ਨੂੰ ਕੰਟਰੋਲ ਕਰਨ ਲਈ ਜਿਲ੍ਹਾ ਪੁਲਿਸ ਵਲੋਂ ਇੱਕ ਵਿਸ਼ੇਸ਼ ਰੂਟ ਪਲਾਨ ਤਿਆਰ ਕੀਤਾ ਗਿਆ ਹੈ। ਇਸ ਸਬੰਧੀ ਫੈਸਲਾ ਸ੍ਰੀ ਅਭਿਮੰਨਿਊ ਰਾਣਾ, ਆਈ.ਪੀ.ਐਸ ,ਸੀਨੀਅਰ ਕਪਤਾਨ ਪੁਲਿਸ ਸ੍ਰੀ ਮੁਕਤਸਰ ਸਾਹਿਬ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਇੱਸ ਪਵਿੱਤਰ ਤਿਉਹਾਰ ਤੇ ਆਉਣ ਵਾਲੇ ਸ਼ਰਧਾਲੂਆਂ ਦੀ ਸੁਵਿਧਾ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ 06 ਆਰਜੀ ਬੱਸ ਸਟੈਡ ਤਿਆਰ ਕੀਤੇ ਗਏ ਹਨ।
ਪੁਲਿਸ ਦਾ ਪ੍ਰੋਗਰਾਮ
1. ਕੋਟਕਪੂਰਾ ਰੋਡ ਤੋਂ ਆਉਣ ਵਾਲੀਆ ਬੱਸਾ ਦੀ ਪਾਰਕਿੰਗ, ਸਾਹਮਣੇ ਦੇਸ਼ ਭਗਤ ਡੈਂਟਲ ਕਾਲਜ਼ ਦੇ ਸਾਹਮਣੇ ਨਵੀਂ ਬਣ ਰਹੀ ਕਲੋਨੀ ਵਿੱਚ ਹੋਵੇਗੀ।
2. ਬਠਿੰਡਾ ਰੋਡ ਤੋਂ ਆਉਣ ਵਾਲੀਆਂ ਬੱਊਸਾ ਦੀ ਪਾਰਕਿੰਗ, ਸਾਹਮਣੇ ਹਰਿਆਲੀ ਪੈਟਰੋਲ ਪੰਪ ਬਠਿੰਡਾ ਰੋਡ ਪਰ ਹੋਵੇਗੀ।
3.ਮਲੋਟ ਰੋਡ ਤੋਂ ਆਉਣ ਵਾਲੀਆਂ ਬੱਸਾਂ ਦੀ ਪਾਰਕਿੰਗ, ਰਾਧਾ ਸੁਆਮੀ ਡੇਰੇ ਦੇ ਸਾਹਮਣੇ ਮਲੋਟ ਰੋਡ ਪਰ ਹੋਵੇਗੀ।
4.ਅਬਹੋਰ/ਪੰਨੀਵਾਲਾ ਤੋਂ ਆਉਣ ਵਾਲੀਆ ਬੱਸਾਂ ਦੀ ਪਾਰਕਿੰਗ, ਅਬੋਹਰ ਰੋਡ ਬਾਈਪਾਸ ਚੌਂਕ ਪਰ ਹੋਵੇਗੀ।
5.ਜਲਾਲਾਬਾਦ ਤੋਂ ਆਉਣ ਵਾਲੀਆਂ ਬੱਸਾ ਦੀ ਪਾਰਕਿੰਗ, ਨੇੜੇ ਭਾਈ ਮਹਾਂ ਸਿੰਘ ਯਾਦਗਾਰੀ ਗੇਟ ਜਲਾਲਾਬਾਦ ਰੋਡ ਪਰ ਹੋਵੇਗੀ।
6.ਫਿਰੋਜ਼ਪੁਰ ਰੋਡ ਤੋਂ ਆਉਣ ਵਾਲੀਆਂ ਬੱਸਾਂ ਦੀ ਪਾਰਕਿੰਗ ਫਿਰੋਜ਼ਪੁਰ ਰੋਡ ਸਟੇਡੀਅਮ ਦੇ ਸਾਹਮਣੇ ਮਾਡਲ ਟਾਊਨ ਵਾਲੇ ਪਾਸੇ ਹੋਵੇਗੀ।
ਅਤੇ ਇਸ ਪ੍ਰਕਾਰ ਆਮ ਲੋਕਾਂ ਅਤੇ ਸ਼ਰਧਾਲੂਆਂ ਦੀਆਂ ਨਿੱਜੀ ਗੱਡੀਆਂ ਲਈ ਪਾਰਕਿੰਗ ਵਾਸਤੇ 10 ਪਾਰਕਿੰਗ ਥਾਵਾਂ ਨਿਰਧਾਰਤ ਕੀਤੀਆਂ ਗਈਆਂ ਹਨ ਜੋ ਇਸ ਪ੍ਰਕਾਰ ਹਨ:-
1. ਦੁਸਹਿਰਾ ਗਰਾਊਂਡ ਠੀਕ/ਪਸ਼ੂ ਮੇਲਾ ਨੇੜੇ ਡਾ: ਗਿੱਲ ਕੋਠੀ ਪਿੰਡ ਚੱਕ ਬੀੜ ਸਰਕਾਰ।
2.ਕੋਟਕਪੂਰਾ ਰੋਡ ਦੇਸ਼ ਭਗਤ ਡੈਂਟਲ ਯੂਨੀਵਰਸਿਟੀ ਦੇ ਨਾਲ ਵਾਲੀ ਜਗ੍ਹਾ ਪਰ ।
3. ਹਰਿਆਲੀ ਪੰਪ ਦੇ ਸਾਹਮਣੇ ਵਾਲੀ ਜਗ੍ਹਾ ।
4. ਗਰੀਨ ਸੀ ਇਜੋਟ ਅਤੇ ਬਜਾਜ ਪੈਟਰੋਲ ਪੰਪ ਦੇ ਵਿਚਕਾਰ ।
5. ਮਲੋਟ ਰੋਡ ਗਊਸ਼ਾਲਾ ਦੇ ਸਾਹਮਣੇ ਵਾਲੀ ਜਗ੍ਹਾ ਦੀ ਹਾਂਡਾ ਏਜੰਸੀ ਦੇ ਨਾਲ।
6. ਮਲੋਟ ਰੋਡ ਬਰਤਨ ਵਾਲੀ ਫੈਕਟਰੀ ਦੇ ਸਾਹਮਣੇ ਨੇੜੇ ਟੋਇਟਾ ਏਜੰਸੀ ।
7.ਮਲੋਟ ਰੋਡ ਗੁੰਬਰ ਚੱਕੀ ਦੇ ਸਾਹਮਣੇ ।
8.ਨਵੀਂ ਦਾਣਾ ਮੰਡੀ ।
9. ਫਿਰੋਜ਼ਪੁਰ ਰੋਡ ਸਟੇਡੀਅਮ ਦੇ ਸਾਹਮਣੇ ਮਾਡਲ ਟਾਊਨ ਵਾਲੇ ਪਾਸੇ।
10. ਗੁਰੂਹਰਸਾਏ ਰੋਡ ਨੇੜੇ ਪਿੰਡ ਲੰਬੀ ਢਾਬ।
ਇਸ ਤੋਂ ਇਲਾਵਾ ਜਿਲਾ ਪੁਲਿਸ ਵੱਲੋਂ 07 ਐਮਰਜੈਂਸੀ ਪੁਲਿਸ ਸਹਾਇਤਾ ਕੇਂਦਰ ਬਣਾਏ ਗਏ ਹਨ ਜਿੱਥੋਂ ਮੇਲੇ ਦੌਰਾਨ ਕਿਸੇ ਵੀ ਤਰ੍ਹਾਂ ਦੀ ਕੋਈ ਮੁਸ਼ਕਿਲ ਆਉਣ ਤੇ ਆਮ ਲੋਕ ਬੜੀ ਅਸਾਨੀ ਨਾਲ ਇਨ੍ਹਾਂ ਪੁਲਿਸ ਸਹਾਇਤਾ ਕੇਂਦਰਾਂ ਨਾਲ ਸੰਪਰਕ ਕਰ ਸਕਦੇ ਹਨ ਅਤੇ ਪੁਲਿਸ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹਨ।ਪੁਲਿਸ ਸਹਾਇਤਾ ਕੇਂਦਰ ਦੇ ਨਾਮ ਇਸ ਪ੍ਰਕਾਰ ਹਨ:-
1. ਕੋਟਕਪੂਰਾ ਰੋਡ ਨੇੜੇ ਡਾਕਟਰ ਕੇਹਰ ਸਿੰਘ ਕੋਠੀ ।
2.ਬਠਿੰਡਾ ਰੋਡ ਨੇੜੇ ਦਫਤਰ ਜੀ.ਐਮ.ਡੀ.ਆਈ.ਸੀ ਸ਼੍ਰੀ ਮੁਕਤਸਰ ਸਾਹਿਬ ।
3. ਮੇਲਾ ਗਰਾਉਂਡ ਦੇ ਨਜ਼ਦੀਕ ਮੇਨ ਗੇਟ ਮਲੋਟ ਰੋਡ ।
4..ਅਬੋਹਰ ਰੋਡ ਬਾਈਪਾਸ ਚੌਂਕ ।
5. ਨੇੜੇ ਗੁਰੂ ਨਾਨਕ ਕਾਲਜ ਲੜਕੀਆਂ ਟਿੱਬੀ ਸਾਹਿਬ ਰੋਡ ।
6. ਗੁਰੂ ਹਰਸਹਾਇ ਰੋਡ ਪਿੰਡ ਲੰਬੀ ਢਾਬ ਪਸ਼ੂ ਮੇਲਾ ।
7. ਮੰਗੇ ਦੇ ਪੰਪ ਦੇ ਪਿੱਛੇ ਡੇਰਾ ਭਾਈ ਮਸਤਾਨ ਸਕੂਲ ਦੇ ਨਜਦੀਕ
ਅਮਨ ਕਾਨੂੰਨ ਅਤੇ ਸੁੱਰਖਿਆ ਕਾਇਮ ਰੱਖਣ ਲਈ ਸ਼ਹਿਰ ਦੇ ਅੰਦਰੂਨੀ ਭਾਗਾਂ ਵਿੱਚ 42 ਸਥਾਨਾਂ ਤੇ ਨਾਕੇ ਲਗਾਏ ਗਏ ਹਨ ਅਤੇ ਸ੍ਰੀ ਮੁਕਤਸਰ ਸਾਹਿਬ ਨੂੰ ਆਉਣ ਵਾਲੇ ਬਾਹਰੀ ਰਸਤਿਆਂ ਤੇ 52 ਸਥਾਨਾ ਤੇ ਨਾਕੇ ਲਗਾਏ ਗਏ ਹਨ।ਮੇਲਾ ਮਾਘੀ ਮੌਕੇ ਆਵਾਜਾਈ ਵਿਵਸਥਾ ਨੂੰ ਨਿਯਮਬੱਧ ਤਰੀਕੇ ਨਾਲ ਚਲਾਉਣ ਲਈ ਵੱਖ ਵੱਖ ਸਥਾਨਾ ਤੇ ਕੁੱਲ 19 ਟਰੈਫਿਕ ਪੁਆਇੰਟਾਂ ਦੀ ਪਹਿਚਾਣ ਕਰਕੇ ਉਹਨਾਂ ਪਰ ਜਰੂਰਤ ਅਨੁਸਾਰ ਟਰੈਫਿਕ ਪੁਲਿਸ ਦੀ ਤਾਇਨਾਤੀ ਕੀਤੀ ਗਈ ਹੈ। ਇਸੇ ਪ੍ਰਕਾਰ ਆਮ ਲੋਕਾਂ ਅਤੇ ਮੇਲਾ ਵੇਖਣ ਆ ਰਹੀਆਂ ਸੰਗਤਾਂ ਦੇ ਮਨਾਂ ਵਿੱਚ ਸੁੱਰਖਿਆ ਦੀ ਭਾਵਨਾ ਪੈਦਾ ਕਰਨ ਅਤੇ ਸਮਾਜ ਵਿਰੋਧੀ ਅਨਸਰਾਂ ਤੇ ਨਜਰ ਬਣਾਈ ਰੱਖਣ ਦੇ ਮਕਸਦ ਨਾਲ 19 ਮੋਟਰਸਾਈਕਲ ਗਸ਼ਤਾਂ, 06 ਘੋੜ ਸਵਾਰ ਗਸ਼ਤਾਂ ਅਤੇ 18 ਪੈਦਲ ਗਸ਼ਤਾਂ ਸ਼ੁਰੂ ਕੀਤੀਆਂ ਗਈਆਂ ਹਨ।ਭੀੜ ਭੱੜਕੇ ਤੇ ਭਗਦੜ ਤੋਂ ਬਚਾਅ ਲਈ 10 ਸਥਾਨਾਂ ਤੇ ਪੁਲਿਸ ਟਾਵਰ ਸਥਾਪਿਤ ਕਰਕੇ ਉਹਨਾਂ ਪਰ ਪੁਲਿਸ ਦੀ ਤਾਇਨਾਤੀ ਕੀਤੀ ਗਈ ਹੈ। ਸ਼ਹਿਰੀ ਏਰੀਆ ਵਿੱਚ ਸਥਿਤ ਸਿਨਮਾ ਘਰਾਂ,ਆਰਾਮ ਘਰਾਂ ਤੇ ਵੱਖਰੇ ਤੌਰ ਤੇ ਪੁਲਿਸ ਫੋਰਸ ਲਗਾਈ ਗਈ ਹੈ। ਮੇਲਾ ਮਾਘੀ ਮੌਕੇ ਪੁਲਿਸ ਫੋਰਸ ਨੂੰ ਜਰੂਰਤ ਅਨੁਸਾਰ ਸੀ.ਸੀ.ਟੀਵੀ ਕੈਮਰੇ, ਦੂਰਬੀਨਾਂ, ਡਰੋਨ ਕੈਮਰੇ, ਡੌਗ ਸਕੁਐਡ,ਸੀ ਸੀ ਟੀ ਵੀ ਵੈਨ,ਅਵੇਰਨੈੱਸ ਟੀਮ,ਗੋਤਾਖੋਰ, ਫਸਟਏਡ ਟੀਮਾਂ, ਕਰੇਨਾਂ, ਪੀ ਏ ਸਿਸਟਮ ਆਦਿ ਵੀ ਮੁੱਹਈਆ ਕਰਵਾਏ ਗਏ ਹਨ।
ਮੇਲੇ ਵਾਲੇ ਦਿਨ ਸ਼ਹਿਰ ਵਿੱਚ ਹੈਵੀ ਵਹੀਕਲਾਂ ਨੂੰ ਆਉਣ ਦੀ ਮਨਾਹੀ ਹੋਵੇਗੀ ਅਤੇ ਇਸਦੀ ਉਲੰਘਣਾ ਕਰਨ ਵਾਲਿਆਂ ਖਿਲ਼ਾਫ ਜਿਲ੍ਹਾ ਟਰੈਫਿਕ ਪੁਲਿਸ ਨੂੰ ਕਾਰਵਾਈ ਕਰਨ ਲਈ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ ਅਤੇ ਇਸਦੇ ਨਾਲ ਹੀ ਫਿਰੋਜ਼ਪੁਰ, ਕੋਟਕਪੂਰਾ, ਬਠਿੰਡਾ, ਜਲਾਲਾਬਾਦ, ਗੁਰੂਹਰਸਹਾਏ ਵਾਲੀ ਸਾਈਡ ਤੋਂ ਆਉਣ ਵਾਲੇ ਹੈਵੀ ਵਹੀਕਲਾਂ ਲਈ ਬਦਲਵੇਂ ਪ੍ਰਬੰਧ ਕੀਤੇ ਜਾ ਰਹੇ ਹਨ।
ਇਸ ਡਾਇਵਰਸ਼ਨ ਪਲਾਨ ਦਾ ਮੁੱਖ ਉਦੇਸ਼ ਇਹ ਹੈ ਕਿ ਬਾਹਰੀ ਵਾਹਨ ਸ਼ਹਿਰ ਵਿੱਚ ਦਾਖ਼ਲ ਨਾ ਹੋਣ ਅਤੇ ਪਿੰਡਾਂ ਦੇ ਲਿੰਕ ਰੋਡਾਂ ਅਤੇ ਬਾਈਪਾਸ ਰਸਤਿਆਂ ਰਾਹੀਂ ਬਾਹਰੋਂ-ਬਾਹਰ ਆਪਣੀ ਮੰਜ਼ਿਲ ਤੱਕ ਸੁਰੱਖਿਅਤ ਪਹੁੰਚ ਸਕਣ।
ਕੋਟਕਪੂਰਾ ਰੋਡ ਤੋਂ ਬਠਿੰਡਾ ਮਲੋਟ ਅਬੋਰ ਜਲਾਲਾਬਾਦ ਗੁਰੂ ਹਰ ਸਾਹਿਬ ਫਿਰੋਜ਼ਪੁਰ ਜਾਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਕੋਟਕਪੂਰਾ ਰੋਡ ਤੋਂ ਆਉਣ ਵਾਲੇ ਵਾਹਨਾਂ ਨੂੰ ਪਿੰਡ ਥਾਂਦੇਵਾਲਾ ਤੋਂ ਲਿੰਕ ਰੋਡ ਸੰਗੂ ਧੌਨ ਰਾਹੀਂ ਬਠਿੰਡਾ ਰੋਡ ।
ਇਸ ਦੇ ਨਾਲ ਹੀ ਪਿੰਡ ਬਰਕੰਦੀ ਤੋਂ ਮਲੋਟ ਰੋਡ, ਅੱਗੇ ਗੋਨਿਆਂਨਾ ਤੋਂ ਹੁੰਦੇ ਹੋਏ ਅਬੋਹਰ ਬਾਈਪਾਸ ਰੋਡ ਵੱਲ ਡਾਇਵਰਟ ਕੀਤਾ ਗਿਆ ਹੈ।
?
ਕੋਟਕਪੂਰਾ ਰੋਡ ਤੋਂ ਜਲਾਲਾਬਾਦ, ਗੁਰੂਹਰਸਹਾਇ ਅਤੇ ਫਿਰੋਜ਼ਪੁਰ ਜਾਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਇਹ ਵਾਹਨ ਪਿੰਡ ਚੜੇਵਾਂ → ਚੌਂਤੜਾ → ਮੜ ਮੱਲੂ → ਲੰਬੀ ਢਾਬ→ ਗੁਲਾਬੇਵਾਲਾ → ਸੋਹਨੇਵਾਲਾ ਰਾਹੀਂ
ਜਲਾਲਾਬਾਦ, ਗੁਰੂਹਰਸਹਾਇ ਅਤੇ ਫਿਰੋਜ਼ਪੁਰ ਵੱਲ ਜਾ ਸਕਣਗੇ।
ਇਸੇ ਤਰ੍ਹਾਂ ਪਿੰਡ ਸਰਾਏਨਾਗਾ → ਮਰਾਰ ਕਲਾਂ → ਸੱਕਾਂਵਾਲੀ → ਲਬਾਣਿਆਂ ਵਾਲੀ ਰਾਹੀਂ
ਫਿਰੋਜ਼ਪੁਰ ਰੋਡ ਤੱਕ ਪਹੁੰਚ ਕੀਤਾ ਜਾ ਸਕਦਾ ਹੈ।
? ਬਠਿੰਡਾ ਤੋਂ ਕੋਟਕਪੂਰਾ ਜਾਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਬਠਿੰਡਾ ਤੋਂ ਕੋਟਕਪੂਰਾ ਜਾਣ ਵਾਲੇ ਵਾਹਨ ਲਿੰਕ ਰੋਡ ਬਰਕੰਦੀ → ਪਿੰਡ ਥਾਂਦੇਵਾਲਾ ਬੱਸ ਸਟੈਂਡ → ਪਿੰਡ ਚੜੇਵਾਂ → ਕੋਟਕਪੂਰਾ ਰੋਡ ਰਾਹੀਂ ਜਾ ਸਕਣਗੇ।
ਇਸ ਦੇ ਨਾਲ ਪਿੰਡ ਭੁੱਲਰ → ਆਸਾ ਬੁੱਟਰ → ਹਰੀਕੇ ਕਲਾਂ → ਖਾਰਾ → ਸਰਾਏਨਾਗਾ ਰਾਹੀਂ ਵੀ ਕੋਟਕਪੂਰਾ ਪਹੁੰਚਿਆ ਜਾ ਸਕਦਾ ਹੈ।
? ਮਲੋਟ ਤੋਂ ਬਠਿੰਡਾ ਅਤੇ ਕੋਟਕਪੂਰਾ ਜਾਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਮਲੋਟ ਤੋਂ ਆਉਣ ਜਾਂ ਜਾਣ ਵਾਲੇ ਵਾਹਨਾਂ ਲਈ ਚਰਸਤਾ ਕ੍ਰਾਸਿੰਗ → ਸੇਤੀਆ ਪੇਪਰ ਮਿਲ → ਰੁਪਾਣਾ ਰੋਡ → ਮਲੋਟ ਰੋਡ→ ਲਿੰਕ ਰੋਡ ਬਰਕੰਦੀ ਰਾਹੀਂ ਬਠਿੰਡਾ ਜਾਇਆ ਜਾਵੇ।
ਪਿੰਡ ਭੁੱਲਰ → ਆਸਾ ਬੁੱਟਰ → ਹਰੀਕੇ ਕਲਾਂ → ਖਾਰਾ → ਸਰਾਏਨਾਗਾ ਰਾਹੀਂ ਕੋਟਕਪੂਰਾ ਜਾਇਆ ਜਾ ਸਕਦਾ ਹੈ।
? ਅਬੋਹਰ ਤੋਂ ਮਲੋਟ, ਬਠਿੰਡਾ ਅਤੇ ਕੋਟਕਪੂਰਾ ਜਾਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਅਬੋਹਰ ਤੋਂ ਆਉਣ ਵਾਲੇ ਵਾਹਨ ਪਿੰਡ ਰੂੜਿਆਂਵਾਲੀ → ਚਰਸਤਾ → ਸੇਤੀਆ ਪੇਪਰ ਮਿਲ → ਰੁਪਾਣਾ → ਮਲੋਟ ਰੋਡ ਵੱਲ ਜਾ ਸਕਣਗੇ। ਲਿੰਕ ਰੋਡ ਬਰਕੰਦੀ ਰਾਹੀਂ ਬਠਿੰਡਾ ਜਾਇਆ ਜਾ ਸਕਦਾ ਹੈ।
ਪਿੰਡ ਭੁੱਲਰ → ਆਸਾ ਬੁੱਟਰ → ਹਰੀਕੇ ਕਲਾਂ → ਖਾਰਾ → ਸਰਾਏਨਾਗਾ ਰਾਹੀਂ ਕੋਟਕਪੂਰਾ ਪਹੁੰਚਿਆ ਜਾ ਸਕਦਾ ਹੈ।
? ਗੁਰੂਹਰਸਹਾਇ ਤੋਂ ਆਉਣ ਵਾਲੇ ਵਾਹਨਾਂ ਲਈ ਡਾਇਵਰਸ਼ਨ
ਗੁਰੂਹਰਸਹਾਇ ਤੋਂ ਆਉਣ ਵਾਲੇ ਵਾਹਨ
ਪਿੰਡ ਗੁਲਾਬੇਵਾਲਾ → ਲੰਬੀ ਢਾਬ → ਮੜ ਮੱਲੂ ਰਾਹੀਂ ਫਿਰੋਜ਼ਪੁਰ ਪਹੁੰਚ ਸਕਣਗੇ।
ਪਿੰਡ ਚੌਂਤੜਾ ਬੱਸ ਸਟੈਂਡ ਰਾਹੀਂ ਕੋਟਕਪੂਰਾ ਜਾਇਆ ਜਾ ਸਕਦਾ ਹੈ।ਪਿੰਡ ਸੋਹਨੇਵਾਲਾ ਰਾਹੀਂ ਜਲਾਲਾਬਾਦ ਪਹੁੰਚਿਆ ਜਾ ਸਕਦਾ ਹੈ।ਪਿੰਡ ਵਧਾਈ → ਰੂੜਿਆਂਵਾਲੀ ਰਾਹੀਂ ਅਬੋਹਰ ਜਾਇਆ ਜਾ ਸਕਦਾ ਹੈ।
ਚਰਸਤਾ → ਸੇਤੀਆ ਪੇਪਰ ਮਿਲ → ਮਲੋਟ ਰੋਡ → ਲਿੰਕ ਰੋਡ ਬਰਕੰਦੀ ਰਾਹੀਂ ਬਠਿੰਡਾ ਜਾਇਆ ਜਾ ਸਕਦਾ ਹੈ।ਪਿੰਡ ਭੁੱਲਰ → ਆਸਾ ਬੁੱਟਰ → ਹਰੀਕੇ ਕਲਾਂ → ਸਰਾਏਨਾਗਾ ਰਾਹੀਂ ਕੋਟਕਪੂਰਾ ਜਾਇਆ ਜਾ ਸਕਦਾ ਹੈ।
? ਫਿਰੋਜ਼ਪੁਰ ਰੋਡ ਤੋਂ ਹੋਰ ਸ਼ਹਿਰਾਂ ਵੱਲ ਜਾਣ ਵਾਲੇ ਵਾਹਨਫਿਰੋਜ਼ਪੁਰ ਰੋਡ ਤੋਂ ਆਉਣ ਵਾਲੇ ਵਾਹਨ ਪਿੰਡ ਮੜ ਮੱਲੂ → ਲਬਾਣਿਆਂ ਵਾਲੀ → ਸੱਕਾਂਵਾਲੀ → ਮਰਾੜ ਕਲਾਂ → ਸਰਾਏਨਾਗਾ ਰਾਹੀਂ ਕੋਟਕਪੂਰਾ ਪਹੁੰਚ ਸਕਣਗੇ।
? ਸਾਦਿਕ ਰਾਹੀਂ ਫਰੀਦਕੋਟ ਅਤੇ ਕੋਟਕਪੂਰਾ ਜਾਇਆ ਜਾ ਸਕਦਾ ਹੈ।
ਮੜ ਮੱਲੂ → ਲੰਬੀ ਟਾਪ → ਗੁਲਾਬੇਵਾਲਾ ਰਾਹੀਂ ਗੁਰੂਹਰਸਹਾਇ।
ਸੋਹਨੇਵਾਲਾ ਰਾਹੀਂ ਜਲਾਲਾਬਾਦ।
ਵਧਾਈ → ਰੂੜਿਆਂਵਾਲੀ ਰਾਹੀਂ ਅਬੋਹਰ।
ਚਰਸਤਾ → ਸੇਤੀਆ ਪੇਪਰ ਮਿਲ → ਰੁਪਾਣਾ ਰਾਹੀਂ ਮਲੋਟ ਅਤੇ
ਲਿੰਕ ਰੋਡ ਬਰਕੰਦੀ ਰਾਹੀਂ ਬਠਿੰਡਾ ਜਾਇਆ ਜਾ ਸਕਦਾ ਹੈ।
ਲੋਕਾਂ ਲਈ ਅਪੀਲ
ਸਮੁੱਚੇ ਮੇਲੇ ਨੂੰ ਕੁੱਲ ਸੱਤ ਸੈਕਟਰਾਂ ਵਿੱਚ ਵੰਡ ਕੇ ਪੁਲਿਸ ਫੋਰਸ ਨੂੰ ਤਾਇਨਾਤ ਕੀਤਾ ਗਿਆ ਹੈ ਅਤੇ ਹਰੇਕ ਸੈਕਟਰ ਦਾ ਇੰਚਾਰਜ ਇੱਕ ਸੀਨੀਅਰ ਗਜ਼ਟਿਡ ਪੁਲਿਸ ਅਫਸਰ ਲਗਾਇਆ ਗਿਆ ਹੈ ਜਦੋਂ ਕਿ ਮੇਲਾ ਮਾਘੀ ਸੁੱਰਖਿਆ ਸਬੰਧੀ ਸਮੁੱਚੀ ਕਮਾਂਡ ਜਿਲਾ ਪੁਲਿਸ ਮੁਖੀ ਸ੍ਰੀ ਮੁਕਤਸਰ ਸਾਹਿਬ ਦੇ ਹੱਥਾਂ ਵਿੱਚ ਸਿੱਧੇ ਤੌਰ ਤੇ ਰਹੇਗੀ। ਜਿਲਾ ਪੁਲਿਸ ਵੱਲੋਂ ਮਾਘੀ ਮੇਲੇ ਮੌਕੇ ਆਉਣ ਵਾਲੀਆਂ ਸੰਗਤਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਮੇਲੇ ਵਿੱਚ ਆਪਣੇ ਬੱਚਿਆਂ, ਬਜੁਰਗਾਂ ਅਤੇ ਔਰਤਾਂ ਦਾ ਖਾਸ ਧਿਆਨ ਰੱਖਣ ਅਤੇ ਆਪਣੇ ਕੀਮਤੀ ਸਮਾਨ ਦੀ ਪੂਰੀ ਚੌਕਸੀ ਨਾਲ ਸੰਭਾਲ ਕਰਨ, ਕੀਮਤੀ ਗਹਿਣੇ ਤੇ ਨਗਦ ਰਾਸ਼ੀ ਪ੍ਰਤੀ ਚੁਕੰਨੇ ਰਹਿਣ। ਆਮ ਲੋਕਾਂ ਨੂੰ ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰਦਿਆਂ ਕਿਸੇ ਕਿਸਮ ਦੀ ਅਫਵਾਹ ਤੇ ਯਕੀਨ ਨਾ ਕਰਨ ਦੀ ਅਪੀਲ ਵੀ ਕੀਤੀ ਜਾ ਰਹੀ ਹੈ। ਮੇਲਾ ਵੇਖਣ ਆ ਰਹੇ ਸ਼ਰਧਾਲੂਆਂ ਨੂੰ ਕਿਸੇ ਕਿਸਮ ਦੇ ਨਸ਼ੇ ਦੀ ਵਰਤੋਂ ਨਾ ਕਰਨ, ਹੁੱਲੜਬਾਜੀ ਨਾ ਕਰਨ ਤੇ ਅਮਨ ਕਾਨੂੰਨ ਦੀ ਪਾਲਣਾ ਯਕੀਨੀ ਬਣਾਉਣ ਲਈ ਜਿਲਾ ਪੁਲਿਸ ਨੂੰ ਸਹਿਯੋਗ ਦੀ ਅਪੀਲ ਵੀ ਕੀਤੀ ਜਾ ਰਹੀ ਹੈ। ਸ੍ਰੀ ਮੁਕਤਸਰ ਸਾਹਿਬ ਦਾ ਸਮੁੱਚਾ ਪੁਲਿਸ ਪ੍ਰਸ਼ਾਸ਼ਨ ਆਮ ਲੋਕਾਂ ਦੀ ਸੁਰੱਖਿਆ ਲਈ ਵਚਨਬੱਧ ਹੈ ਤੇ ਕਿਸੇ ਵੀ ਮੁਸ਼ਕਿਲ ਸਮੇਂ ਲੋਕ ਪੁਲਿਸ ਕੰਟਰੋਲ ਰੂਮ ਤੇ 01633-263622, 80543-70100, 85560-12400, 112 ਤੇ ਸੰਪਰਕ ਕਰ ਸਕਦੇ ਹਨ।
