ਹਾਇਪਰਟੈਂਸ਼ਨ ਸਬੰਧੀ ਸਿਹਤ ਵਿਭਾਗ ਬਠਿੰਡਾ ਵੱਲੋਂ ਕੀਤੀ ਗਈ ਟੈਲੀ ਫਿਲਮ ਰਿਲੀਜ਼ 

ਬਠਿੰਡਾ, 18 ਜੂਨ  2025:ਪੰਜਾਬ ਸਰਕਾਰ ਅਤੇ ਕਾਰਜਕਾਰੀ ਸਿਵਲ ਸਰਜਨ ਡਾ ਰਮਨਦੀਪ ਸਿੰਗਲਾ ਦੇ ਦਿਸ਼ਾ ਨਿਰਦੇਸ਼ਾ ਅਤੇ ਜਿਲ੍ਹਾ ਪਰਿਵਾਰ ਭਲਾਈ ਅਫ਼ਸਰ ਡਾ ਸੁਖਜਿੰਦਰ ਸਿੰਘ ਗਿੱਲ ਦੀ ਅਗਵਾਈ ਹੇਠ ਸਿਹਤ ਵਿਭਾਗ ਬਠਿੰਡਾ ਵੱਲੋਂ ਹਾਇਪਰਟੈਂਸ਼ਨ (ਉੱਚ ਰਕਤ ਚਾਪ) ਬਾਰੇ ਜਨਤਾ ਵਿੱਚ ਜਾਗਰੂਕਤਾ ਵਧਾਉਣ ਲਈ ਇੱਕ ਟੈਲੀ ਫਿਲਮ ਜਾਰੀ ਕੀਤੀ ਗਈ। ਇਹ ਟੈਲੀ ਫਿਲਮ ਜੀ.ਐਨ.ਐਮ ਟ੍ਰੇਨਿੰਗ ਸਕੂਲ ਬਠਿੰਡਾ ਦੇ ਬੱਚਿਆ ਦੁਆਰਾ ਤਿਆਰ ਕੀਤੀ ਗਈ । ਇਹ ਟੈਲੀ ਫਿਲਮ ਉੱਚ ਰਕਤ ਚਾਪ ਦੀ ਸਮੱਸਿਆ, ਇਸਦੇ ਲੱਛਣ, ਕਾਰਣ, ਪ੍ਰਭਾਵ ਅਤੇ ਰੋਕਥਾਮ ਦੇ ਤਰੀਕਿਆਂ ਨੂੰ ਆਮ ਭਾਸ਼ਾ ਵਿੱਚ ਦਰਸਾਉਂਦੀ ਹੈ।
           
ਇਸ ਟੈਲੀ ਫਿਲਮ ਦੀ ਰਿਲੀਜ਼ ਮੌਕੇ ਜਿਲ੍ਹਾ ਪਰਿਵਰ ਭਲਾਈ ਅਫ਼ਸਰ ਡਾ ਸੁਖਜਿੰਦਰ ਸਿੰਘ ਗਿੱਲ, ਜਿਲ੍ਹਾ ਸਿਹਤ ਅਫ਼ਸਰ ਡਾ ਊਸ਼ਾ ਗੋਇਲ,ਡਿਪਟੀ ਮਾਸ ਮੀਡੀਆ ਅਫ਼ਸਰ ਰੋਹਿਤ ਜਿੰਦਲ ਅਤੇ ਬੀ.ਈ.ਈ ਹਰਜਿੰਦਰ ਕੌਰ ਹਾਜਰ ਸਨ । ਜਿਲ੍ਹਾ ਪਰਿਵਾਰ ਭਲਾਈ ਅਫ਼ਸਰ ਡਾ ਸੁਖਜਿੰਦਰ ਸਿੰਘ ਨੇ ਇਸ ਬਾਰੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਹਾਇਪਰਟੈਂਸ਼ਨ ਇੱਕ ‘ ਘਾਤਕ’ ਰੋਗ ਹੈ ਜੋ ਕਿ ਬਿਨਾਂ ਕਿਸੇ ਲੱਛਣ ਦੇ ਵੀ ਸਰੀਰ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਹ ਹਿਰਦੇ ਰੋਗਾਂ, ਦਿਮਾਗੀ ਘਾਤ (ਸਟ੍ਰੋਕ) ਅਤੇ ਕਿਡਨੀ ਫੇਲ੍ਹ ਹੋਣ ਵਰਗੀਆਂ ਗੰਭੀਰ ਸਮੱਸਿਆਵਾਂ ਦਾ ਮੁੱਖ ਕਾਰਣ ਬਣ ਸਕਦਾ ਹੈ।ਟੈਲੀ ਫਿਲਮ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਸਿਹਤਮੰਦ ਜੀਵਨਸ਼ੈਲੀ, ਵਿਆਯਾਮ, ਸੰਤੁਲਿਤ ਭੋਜਨ, ਨਮਕ ਦੀ ਘੱਟ ਵਰਤੋਂ, ਅਤੇ ਨਿਯਮਤ ਤੌਰ ‘ਤੇ ਰਕਤ ਚਾਪ ਦੀ ਜਾਂਚ ਕਰਵਾ ਕੇ ਹਾਇਪਰਟੈਂਸ਼ਨ ਤੋਂ ਬਚਿਆ ਜਾ ਸਕਦਾ ਹੈ।ਇਹ ਫਿਲਮ ਸਿਹਤ ਵਿਭਾਗ ਦੇ ਫੇਸਬੁੱਕ ਪੇਜ (ਸਿਹਤ ਵਿਭਾਗ ਬਠਿੰਡਾ) ਤੇ ਉਪਲਬਧ ਹੈ ।